This article originally appeared on-line in Nowodhow Kernewek, 2002-03-31.

Testament Noweth yn Kernowek Unys Daswelys
Dy Sul 31/03/2002:Cowethas dyllans rag an yeth Kernowek Spyrys a Gernow re dhyllas kensa dyllans yn Kernowek an Testament Noweth. Lonchys vue hedhyw gans Denise ha Ray Chubb a Spyrys a Gernow ha’n treylyer Dr Nicholas Williams. Herwyth Ray Chubb, a Spyrys a Gernow: “Dyllans an Testament Noweth a vue a roweth arbennyk yn muer a bowyow, ow ry dhe’n tavas an worshyp neb o consydrys gwyw dhe uttra ger Dew.’’ Byttegens, y fydh gwerthys dhe brys £15.95 (ISBN 0-9535975-4-7), hag yn fordh ma ow cul an ger a Dhew yn Kernowek hegergh dhe Gernowegoryon a bub gallus ha pub pegans. Denise, Nicholas, ha Ray
text Abarth cledh y whelyr folen mes a’n Testament Noweth. Pryntys yw y’n form noweth a Gernowek Unys, henwys gans nebes tus Kernowek Unys Daswelys. Yma ober ow mos war rag whath yn dan wyth bagas Dr Keith Syed usy owth assaya treylya oll an Bybel. An bagas a’n jeves kelgh a dus connek y’n tavas usy ow treylya, ow checkya hag ena ow profredya pub treylyans. Yth hevel bos muer a ober ow pos gwres y’n uer ma ha heb dowt vyth oll y fydh genen kens pell an Bybel pen dhe ben.


[Treylys vue spellyans an darn a-uhon dheworth spellyans "Kernowek Kemyn". Res o amendya nebes fowtys gramasek y’n darn kefrys.
The orthography of the above passage has been changed from "Kernewek Kemmyn". It was necessary to emend a number of grammatical errors in the passage as well.]
Back to the main page.
Michael Everson, Evertype, Cathair na Mart, 2002-04-08