An Gwyns i'n Helyk
The Wind in the Willows in Cornish

By Kenneth Grahame, translated into Cornish by Nicholas Williams

Click on the book cover on the right to order this book from Amazon.co.uk!

Or if you are in North America, order the book from Amazon.com!.

An Cronak a gramblas dewhans aberth i’n esedhva gesys gans an drîvyor. Ev a gemeras an ros lewyas inter y dhewla, goslowes yn uvel dhe’n dyscans a veu rës dhodho, hag a dhalathas gwil dhe’n carr gwaya; gans meur rach ha pòr lent i’n dallath, rag porposys o dhe vos fur.		Toad eagerly scrambled into the seat vacated by the driver, took the steering-wheel in his hands, listened with affected humility to the instructions given him, and set the car in motion, but very slowly and carefully at first, for he was determined to be prudent.
An dus jentyl wàr y lergh a dackyas aga dewla ha’y braisya, ha’n Cronak a’s clôwas ow leverel “Ass yw hy dâ ow trîvya! Desmygowgh golheres ow trîvya carr mar dhâ, rag an kensa prës!”		The gentlemen behind clapped their hands and applauded, and Toad heard them saying, “How well she does it! Fancy a washerwoman driving a car as well as that, the first time!”
An Cronak êth nebes moy uskys; ena moy uskys whath ha moy uskys.		Toad went a little faster; then faster still, and faster.
Ev a glôwas an dus jentyl ow kelwel in mes rag y warnya, “Kebmer with, a wolheres!” Hedna a’n sorras, hag ev a dhalathas kelly y bedn.		He heard the gentlemen call out warningly, “Be careful, washerwoman!” And this annoyed him, and he began to lose his head.
An drîvyor a whelas y stoppya, saw an Cronak a’n fastyas dh’y esedhva gans udn elyn, hag ena encressya y doth dhe’n moyha possybyl. An air ow fysky dres y fâss, whyrny an jyn, lebmel scav an carr, y oll a wrug dh’y empydnyon gwadn medhowy. “Golheres, in gwir!” ev a grias yn tybreder. “Ho, ho! Me yw an Cronak, an kybyor a gerry tan, an terror pryson, an Cronak usy ow scappya pùb termyn! Esedhowgh yn cosel, ha why a wodhvyth pëth yw drîvya in gwiryoneth, rag yth esowgh why in dewla an Cronak, gerys dâ ha codnek, an Cronak nag yw own aswonys dhodho!”		The driver tried to interfere, but he pinned him down in his seat with one elbow, and put on full speed. The rush of air in his face, the hum of the engines, and the light jump of the car beneath him intoxicated his weak brain. “Washerwoman, indeed!” he shouted recklessly. “Ho! ho! I am the Toad, the motor-car snatcher, the prison-breaker, the Toad who always escapes! Sit still, and you shall know what driving really is, for you are in the hands of the famous, the skilful, the entirely fearless Toad!”
Yth yw An Gwyns i'n Helyk classyk a lien flehes. Yma peswar chîff person i'n lyver, logosen dowr, goodh'or, brogh ha cronak, hag ymowns y oll ow côwsel hag owth omdhon kepar ha mebyon tus. Dhe nôtya kefrës yw kebmys a gefyr i'n novel a gevrînyeth, a aventur, a voralyta hag a felshyp inter an bestas aga honen. Sherp inwedh yw an aswonvos i'n lyver a'n dyvers dosbarthow socyal a Bow an Sowson in termyn Edward VII. An auctour, Kenneth Grahame, a ôstyas in Ostel Greenbank, Arwednak, rag termyn i'n vledhen 1907, hag ev a dhalathas screfa y novel brâs i'n tyller-na i'n form a lytherow dh'y vab, Alistair. In gwir yth hevel bos radn a natur an Cronak i'n lyver grôndys wàr Alistair Grahame y honen, a wrug y vêwnans troblys gorfedna kyns ès y ugansves pedn bloodh. Dres pùb tra aral, bytegyns, yma An Gwyns i'n Helyk ow ry dhyn pyctur a bow natùral Nans Dowr Tamys moy ès cans bledhen alebma. An novel re beu meurgerys gans flehes dhia bàn veu dyllys rag an kensa prës i'n vledhen 1908.		The Wind in the Willows is a children's classic, whose main characters are four anthropomorphised animals, a water rat, a mole, a badger and a toad. The novel is remarkable for its mixture of mysticism, adventure, morality and camaraderie and for the acute awareness shown in it of the differing social classes of Edwardian England. The author, Kenneth Grahame, stayed in the Greenbank Hotel, Falmouth, for a period in 1907 and it was there that he began to write his novel in the form of letters to his son, Alistair. Indeed some of the characteristics of Toad in the novel may have been based on Alistair himself, whose troubled life ended before his twentieth birthday. Most of all, however, The Wind in the Willows evokes the natural environment of the Thames Valley at the beginning of the last century and it has been a favourite of children since it was first published in 1908.