| | Luk 2:1-20 in SWF/T | Lûk 2:1-20 in Kernowek Standard |
| | The text here is given in the Single Written Form, using Traditional Graphs, and using Late Cornish options where applicable. This means that the text has dn rather than nn and e in some words rather than y. Red is used to show the various kinds of differences between the SWF text and the KS text.
|
| | 1Y wharva y’n dedhyow na, ordenans dhe dhos adro dhyworth Cesar Awgustus, y talvia dhe oll an bes bos reknys. 2Cyrenyus o governour Syry pan wharva an kensa reknans ma. 3Ha pub huny y’n bes a dravalyas dhe vos nombrys, keniver onen dh’y dre y honen. | 1Y wharva i’n dedhyow-na, ordenans dhe dhos adro dhyworth Cesar Augùstùs, y talvia dhe oll an bës bos reknys. 2Cyrenyùs o governour Syry pàn wharva an kensa reknans-ma. 3Ha pùb huny i’n bës a dravalyas dhe vos nùmbrys, kenyver onen dh’y dre y honen. |
| | 4
Ha Josef eth yn-badn ynwedh dhia Alyla dhyworth Nazara bys in Judy ha dhe cita Davyth o gelwys Bethlem, awos ev dhe vos a deylu hag a lynaja
Davyth, 5may halla va bos niverys gans Maria y wreg ambosys, ha gans
flogh o hi. 6Y wharva pan esens i y’n tyller na, may teuth pres hi golovas.
7Hi a wrug deneythy hi mab kensa ha hi a’n maylyas yn lystednow hag a’n
settyas yn presep yn stabel, dre reson nag esa tyller ragdhans y’n gwesti. | 4Ha Josef êth in badn inwedh dhia Alyla dhyworth Nazara bys in Jûdy ha dhe cyta Davyth o gelwys Bethlem, awos ev dhe vos a deylu hag a lynaja Davyth, 5may halla va bos nyverys gans Maria y wreg ambosys, ha gans flogh o hy. 6Y wharva pàn esens y i’n tyller-na, may teuth prës hy golovas. 7Hy a wrug denythy hy mab kensa ha hy a’n maylyas in lystednow hag a’n settyas in presep in stabel, dre reson nag esa tyller ragthans i’n gwesty. |
| | 8
Yth esa bugeledh y’n keth pow na hag i y’n gwel ow qwetha aga flockys
dres an nos. 9El an Arludh a dhisqwedhas dhodhans ha glory an Arludh a
wrug dywy oll adro, hag own bras a’s teva. 10Ha’n el a leverys dhodhans, “Na
berthewgh own; rag mirewgh, yth esov ow tri dhywgh messach a lowena
vras rag oll an bobel; 11rag hedhyw re beu genys dhywgh yn cita Davyth
Sylwyas, henn yw an Arludh Crist. 12Ha helma a vedh sin ragowgh: why a
gav an flogh bian maylys fast gans lysten hag ev a’y wrowedh in presep.”
13
Ha dystowgh y feu gwelys warbarth gans an el niver bras a lu nev ow
praysya Duw hag ow leverel, | 8Yth esa bugeleth i’n keth pow-na hag y i’n gwel ow qwetha aga flockys dres an nos. 9El an Arlùth a dhysqwedhas dhedhans ha glory an Arlùth a wrug dywy oll adro, hag own brâs a’s teva. 10Ha’n el a leverys dhedhans, “Na berthowgh own; rag merowgh, yth esof ow try dhywgh messach a lowena vrâs rag oll an bobel; 11rag hedhyw re beu genys dhywgh in cyta Davyth Sylwyas, hèn yw an Arlùth Crist. 12Ha helma a vëdh sin ragowgh: why a gav an flogh bian maylys fast gans lysten hag ev a’y wroweth in presep.” 13Ha dystowgh y feu gwelys warbarth gans an el nyver brâs a lu nev ow praisya Duw hag ow leverel, |
| | 14
“Glory dhe Dhuw a-vadn ha war an norves cres dhe’n re na usy orth y
blesya!” |
14“Glory dhe Dhuw avadn ha wàr an norvës cres dhe’n re-na usy orth y blesya!”
|
| | 15
Pan wrug an eledh diberth dhortans bys yn nev, an vugeledh a leverys an
eyl dh’y gila, “Deun ny bys yn Bethlem may hallen gweles an
wharvedhyans ma re wrug an Arludh declarya dhyn.” | 15Pàn wrug an eleth dyberth dhywortans bys in nev, an vugeleth a leverys an eyl dh’y gela, “Deun ny bys in Bethlem may hallen gweles an wharvedhyans-ma re wrug an Arlùth declarya dhyn.” |
| | 16
I eth dy gans toth bras ha cafos Maria ha Josef ha’n flogh a’y wrowedh
y’n presep. 17Pan welsons an flogh, i a dherivas an dra re bia cowsys ortans adro dhodho. 18Kettel glowas pobonan hedna, i a gemeras marth bras a
whedhel an vugeledh. 19Saw Maria a sensas an taclow ma yn town yn hi
holon hag ombredery anedhans. 20Y’n eur na an vugeledh a dewhelas tre
arta, hag i ow praysya Duw hag orth y wordhya awos an maters oll a
wrussons clowes ha gweles, poran kepar del vowns i derivys arag dorn
dhodhans. | 16Y êth dy gans toth brâs ha cafos Maria ha Josef ha’n flogh a’y wroweth i’n presep. 17Pàn welsons an flogh, y a dherivas an dra re bia côwsys ortans adro dhodho. 18Kettel glôwas pùbonen hedna, y a gemeras marth brâs a whedhel an vugeleth. 19Saw Maria a sensas an taclow-ma yn town in hy holon hag ombredery anodhans. 20I’n eur-na an vugeleth a dewhelas tre arta, hag y ow praisya Duw hag orth y wordhya awos an maters oll a wrussons clôwes ha gweles, poran kepar dell vowns y derivys arag dorn dhedhans. |